DUNAY mga tawo nga mahiligon kaayo og tulog. Bisan og nakatulog na og taas-taas nga panahon, dukaon gihapon kay gusto na sab nga matulog.
Bastante kaayo ang ilang tulog kay hinanok gyud kaayo mora og way hasol ang ilang pagkatulog. Ang uban makatulog sa saktong gidugayon nga 8 oras, apan dunay uban nga molungtad pa og dugay sobra pa niini.
Dali ra sab kaayo sila makatulog. Bisan og mao pay paghigda, hagok na dayon kay naandan na nilang ingon niini ang ilang pagkatulog.
Apan kon dunay daghan nga dali rang makatulog, duna say daghang mga tawo nga maglisud og katulog. Bisan unsaon pa nila og pakapoy ug pa-busy sa kaugalingon, di gyud sila dayon dukaon ug makatulog. Gihimo na nila ang tanang paagi aron lang nga makatulog apan wa gihapon mosaril kay lisud piyongon ang ilang mga mata.
Daghan diay og mga factors kon nganong dunay mga tawo nga lisud makatulog. Posibleng tungod sa pagka-ukopado sa gimbuhaton ug mga gipanghunahuna o kaha duna gyuy seryusong gihambin nga balatian nga maoy rason nga lisud silang makatulog sa saktong oras ug panahon.
Sa "Istoya Ta" episode sa SunStar Davao ug Superbalita nga gi-live sa social media, alas 6 sa gabii niadtong Miyerkules, Abril 20, 2022, gi-host ni Darlah Orquiza, gipamatud-an sa halandong bisita nga si Ara Casas-Tumuran nga usa ka stay at home momvlogger/influencer nga kinahanglan nga magbaton og mga maayong kinaiya diha sa panimalay ug mismo sa katulgan aron nga dali lang dukaon ug makatulog nga hinanok.
Pipila niini mao ang paglimpyo mismo sa higdaan aron nga nindot ang pagkatulog pinaagi sa pagkambyo og mga bedsheets ug mga pillow cases ug uban pa.
Alang kang Casas-Tumuran, kinahanglan sab nga humanon una ang tanang trabaho, ilabi na ang pag-atiman sa iyang anak, aron nga wala nay hunahunaon samtang naghigda aron nga wa nay hasol ang pagkatulog.
Ug labaw sa tanan ang pagtumar og supplement nga pangkatulog kay dako kini og ikatabang diha sa hinanok nga pagkatulog. Ug gipamatud-an ni Casas-Tumuran nga epektibo ang supplement nga makatabang, ilabi na nga makatulog siya tungang gabii na o ala 1 na sa kaadlawon. Kini mao ang Nightol.
Unsa ang Nightol?
Ang Nightol mao ang melatonin supplement nga nagtumong sa paghatag og kalidad nga pagkatulog nga motabang sa pag-angkon og mas lig-on nga immune system alang sa matag Pinoy. Usa kini ka"non-addictive" ug "non-habit forming." Mahimo kining paliton over the counter nga wa na kinahanglana ang resita sa doktor.
Ang Nightol gilunsad niadtong 2020 aron pagtabang sa nagdako nga ihap sa mga indibiduwal nga dunay suliran sa pagkatulog taliwala sa pandemya.
Produkto kini sa Organica Nutrition Inc. nga na-establisar niadtong 2005 kon diin nagtumong sa pagpalambo sa kalidad sa kinabuhi sa mga Pinoy pinaagi sa paghatag og mas taas nga kalidad sa natural nga produkto nga barato lang.
Unsa man ang mga sagol sa Nightol?
Ang Nightol gilangkuban sa 3 miligramos nga melatonin, usa ka hormone nga kasagarang ginapagawas sa pineal gland nga mag-regulate sa saykol sa pagkatulog. Tungod kay dietary supplement man kini, kanunay kining gigamit isip pagtambal sa insomnia sa hamubo lang nga panahon sama sa jet lag o pag-usab-usab sa trabaho pinaagi sa pag-inom niini.
Gisugyot ang pag-inom og 1-2 capsules, 30-45 minutos una mohigda. Way angay nga ikabalaka gumikan kay barato lang ang matag capsule niini nga kantidad lang og P9 kon diin dunay 30 ka capsules ang matag karton. Sa pagkakaron, kini ang pinakabarato nga melatonin supplement sa merkado.
Daghan ang mga benepisyo nga makuha sa Melatonin Supplement gawas pagpakusog sa immune system sa lawas, magpalambo sab kini sa paglihok sa utok ug makatutok og maayo, makapataas sa energy level ug maayo ang pagtrabaho, makadumala sa kakapoy ug mga kabalaka ug labaw sa tanan, mobati og kabata sa hitsura ug pagbati.
Mapalit kini sa mga nag-unang tindahan sa mga tambal sama sa Mercury Drugstore, Watsons, Southstar Drugstore, Rose Pharmacy ug uban pa.
Mahimo sab kining mapalit sa Shopee, Lazada, Zalora, Watsons Online, HealthMart PH, PharmEZ. Mahimo sab nga ma-order sa https://nightol.com/where-to-buy/.
Apan gipasidaan nga kadtong ubos sa 18-anyos, dunay sakit sa atay ug kidney, mabdos ug nagpasuso nga mga inahan, ug kadtong nag-operate og dagkong ekipo di angay nga motumar niini.
Alang sa dugang detalye mahimong mobisita sa Website: https://nightol.com/ o Facebook: Nightol Melatonin Supplement, https://www.facebook.com/nightol o kaha sa Instagram: @nightol_ph.