ANAA na sa 24,881 ang kinatibuk-ang ihap sa nakarekober nga mga indibidwal nga nataptan sa coronavirus disease (Covid-19) sa Dakbayan sa Cagayan de Oro human nakatala og usa ka bag-ong nakarekober nga indibidwal.

Wala usab nakatala usab og bag-ong kaso ang dakbayan.

Sa pagkakaron, nagpabilin nga anaa sa 25,832 ang kinatibuk-ang ihap sa coronavirus disease (Covid-19) nga mga kaso sa dakbayan.

Ang Cagayan de Oro adunay 12 ka mga aktibo nga mga kaso, unom niini na-admit sa Northern Mindanao Medical Center ug uban pang mga ospital sa syudad ug unom ang mga outpatient.

Ang ihap sa mga namatay sa Covid-19 sa syudad nagpabilin nga anaa na sa 939.