Dear Papa Joe,
Tawaga lang ko og Gina, taga Danao City, Cebu. Magpatambag lang ta ko nimo kabahin sa akong uyab kon unsaon nako nga magtarong ni siya ug mo stay siya nako.
Mogamitay diay ni siya og shabu ug palainom. Nasayud na ko nga ing ani ni siya ug matud pa niya mag-usab na daw siya. Ako pa ang gasuporta niya kay wa man ni siyay trabaho, pero pila na lang ka tuig ang milabay, mao ra gihapon, wa mausab.
Karon ako siyang gisukitsukit unsay plano niya sa among relasyon. Nitubag siya nga molarga siya ug Manila para adto motrabaho pero ako siyang giingnan nganong di naman lang diri. Pero molarga daw gyud siya, way makapugong. Unsaon man ni nako among relasyon? Palihug tambagi ko.
GINA
Gina,
Pagmata na og morning oi. Klaro ana ikaw ray nahigugma ana niya kay ikaw ra may ni-effort. Klaro nga immature ug iresponsable pa na siya.
Siguro nakipag relasyon lang na siya nimo kay makabenipisyo man siya nimo kay ikaw may nisuporta niya. Karon nahasolan na siya sa pangulit nimo ug di gusto mapugos mao nga mosibat nana siya. Pero ayaw kawad-i og paglaum, tuguti siya nga molarga ug ayaw i pressure. Hatagi siya og time kay basin pa mausab ug mobalik nimo. Pero if tan-aw nimo igo na ang panahon, let go. Naa pay daghan diha nga deserving sa imong kaayo.
PAPA JOE