Usa ka varsity basketball player gipabilanggo sa management sa usa ka resort human siya nipagawas sa iyang hugaw sa swimming pool sa alas 5:30 sa Biyernes sa hapon, Abril 22.

Ang gipasikop sa Carcar Eco Farm Resort management sa Villa Anonang, Brgy. Liboron, Dakbayan sa Carcar giilang si Dilcer Villarubia Gaviola, 20, ulitawo, taga sityo Saimon, Brgy. Can-asujan sa mao nga dakbayan.

Si Gaviola usa ka varsity player sa usa ka tunghaan sa kaulohan.

Si Police Lt. Col. Ardioleto Cabagnot, hepe sa Carcar Police Station, nisulti sa Superbalita Cebu nga si Salbert Wamar Garces, 40, operations manager sa Eco Farm Resort, maoy nireklamo og malicious mischief batok kang Gaviola.

Matud pa ni Cabagnot nga hubog si Gaviola kay nagtagay uban sa mga barkada.

Dihang nabatyagan niya nga naglain ang iyang tiyan, wala na siya moadto pa sa pansayan, nipabuhagay siya sa iyang hugaw sa swimming pool.

Ang gibuhat ni Gaviola nakit-an sa usa ka duty life guard hinungdan nga siya gidakop.

Nakit-an siya nga iyang giguba ang skimmer sa pool human siya nilabay sa hugaw.

“Siya man katapusan mikawas sa swimming pool, unya milutaw ang iyang ______maong nasakpan,” dugang ni Cabagnot. Tungod niini, gidakop siya samtang hubog pa.

Ang mga kaubang nangaligo sa resort gipangluod dihang nakakita sa hugaw sa tawo.

Ang resort gustong mopabayad kang Gaviola og P150,000 human nila nakita ang danyos.