Kasamtangang hugot nga nag-training ang kinamaguwangang anak ni boxing legend Manny Pacquiao nga si Jimuel sa Wild Card gym sa Los Angeles, USA alang sa ikaduhang away niini isip amateur fighter.
Wala pa man tuod gianunsyo ang kontra ni Jimuel apan gikatakda na karong Mayo 12, 2022 sa Montebello Country Club sa California ang sunod niyang tahas.
Si Jimuel, kinsa nag-edad og 21, midaog sa premiro niyang sancioned amateyr bout batok kang Mexican-American Andres Rosales niadtong Marso, 2022.
Naggiya kang Jimuel mao ang Hall of Fame trainer nga si Freddie Roach ug Filipino Marvin Somodio.
Sa sayo pa, supak unta ang bantugang mga ginikanan ni Jimuel nga magboksidor siya apan gumikan sa iyang pagkapursigido, natuman ra ang iyang tinguha.
Pangandoy ni Jimuel nga makakulit og kaugalingon niyang pangalan sa kalibutan sa boksing.