Thompson angay ma-MVP: Cone

Giangkon ni Brgy. Ginebra Gin Kings coach Tim Cone nga dili gihapon seguradong mapili ang iyang pambato nga si Scottie Thompson isip season MVP sa Philippine Basketball Association (PBA) taliwala sa duha ka individual awards nga naangkon niini sa bag-uhay lang nahuman nga Governor’s Cup.

Hinuon, nagkanayon si Cone nga sa mga nahimo ni Thompson, angay lang kining tunolan sa labing taas nga individual honor.

“I think it’s going to be hard to deny that there’s a lot of deserving guys out there and this is the one, Scottie is the freshest in our minds right now and he has just been beyond spectacular. That’s what MVPs so,” matod ni Cone nga napatik sa Spin.ph.

Nahimong lig-ong kandidato si Thompson alang sa season MVP human niya nadaog ang Best Player of the Conference ug Finals MVP sa Governor’s Cup diin naghari og balik ang Gin Kings.

Ang mga kompetensiya ni Thompson sa inilugay sa season MVP mao sila si Philippine Cup Finals MVP Mikey Williams, ang dekalidad nga rookie sa Talk N’ Text KaTropa, Philippine Cup Best Player of the Conference Calvin Abueva sa Magnolia Ang Pambansang Manok Hotshots ug Robert Bolick sa NorthPort Batang Pier.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph