Laing 38 ka mga barangay sa Central Visayas gideklarar nga drug cleared sa Regional Oversight Committee on Barangay Drug Clearing (ROCBDC) program nga gipangulohan sa Philippine Drug Enforcement Agency (PDEA 7).
Human sa makuti nga proseso sa ROCBDC nga gilangkuban sa PDEA, uban sa Department of the Interior and Local Government (DILG), Philippine National Police (PNP) ug Department of Health (DOH), gideklarar nga drug cleared ang 38 ka barangay human sa kuti nga proseo.
Ang labing daghan naa sa Lalawigan sa Sugbo nga adunay 16, gisundan sa Bohol nga adunay 11, lima sa Negros Oriental samtang upat sa Mandaue city, duha sa Cebu City ug usa sa Lapu-Lapu.
Matod ni Leia Alcantara, information officer sa PDEA 7,ang 38 ka mga barangay nipasar sa makuti nga deliberasiyon sa ROCBDC.
Kadtong tanang drug personalities nga naa sa ilang listahan napaubos sa intervention sama sa community drug rehabilitation program sa barangay ug wala na mobalik pa sa iyang naandan nga bisyo nga mao ang paggamit sa illegal nga drugas.
“Importante kaayo nga kining personalities sa listahan ma account nato by accounting we mean nga kung user sya kinahanglan naka graduate siya og kining CBDRP-community based drug rehab program. Kon pusher siya, ni-sign siyag kanang ginagmay hinuon ni nga pusher kay kon bigtime, dili na pwede kay for anti illegal drug operation gyud na,” matod ni Alcantara.
Kadtong mga bigtime drug pusher sa ilang barangay kinahanglan nga mopirma og affidavit of undertaking aron pasudlon sa Balay Silangan, usa ka pasilidad pagpaubos kaniya sa drug rehabilitation.
Nipasabot usab si Alcantara nga ang 38 ka mga barangay nga gideklarar nga drug cleared na nakahatag og mga dokumento nga ang mga nalambigit sa illegal nga drugas sa maong lugar, sama niadtong mga nadakpan na, adunay papel nga naa na kini sa bilanggoan ug gipaubos usab sa validation aron masiguro nga tinuod ang tanang gipangangkon sa barangay.