PRO 7 personnel accounting isip pangandam sa piniliay

Ang Police Regional Office (PRO) 7 misusi sa ilang kagamitan ug mihimo og personnel accounting aron pagpakita nga siyento porsiyento ang kaandam sa nagsingabot nga eleksiyon sa Mayo 9, 2022.

Dungan nga gipahigayon sa Philippine National Police (PNP) ang logistical readiness test ug pag-dispatch sa mga personnel nga mobantay sa nasudnon ug lokal nga piniliay.

Sa PRO 7, ilang gipagawas ang ilang mga ekipo sama sa sakyanan ug uban pa nga gisusi ni Police Brigadier General Roque Eduardo Vega kon unsa na sila kaandam sa pagpatuman sa seguridad sa eleksiyon.

Matod niya, ilang giandam ug gi-maximize ang ilang mga gamit ug mga personnel aron makab-ot ang secure, accurate and fair election sa Region 7.

Gipaniguro ni Vega nga masinati sa mga lumolupyo sa rehiyon 7 ang luwas ug hapsay nga piniliay sa Mayo 9 nga walay kagubot.

Si Police Lieutenant Colonel Wilbert Parilla, deputy city director for operations sa Cebu City Police Office (CPO),nagkanayon nga sila sa siyudad sa Sugbo walay nakita nga hulga sa seguridad atol sa eleksiyon.

Sunod semana mosugod na ang PRO-7 sa pagpakatap sa mga pulis kon ipadala na sa Comelec.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph