Giklaro sa Gilas Pilipinas management nga dili nila kuhaon ang batan-ong Pinoy nga higante nga si Kai Sotto alang sa kampanya sa team sa 31st Southeast Asian Games nga ipahigayon sa sunod buwan sa Hanoi, Vietnam.
“No, there has not been any talk. As far as the SEA Games is concerned, no,” matod ni Gilas team manager Butch Antonio nga napatik sa Spin.ph.
“But if he is a part of the big picture, of course he is.”
Nahisgutan ang posibleng pagduwa ni Sotto sa Gilas gumikan kay posibleng dili makaduwa sa national team ang big man sa Brgy. Ginebra Gin Kings nga si Japeth Aguilar.
Gawas niini, nahuman na sab ang kampanya sa Asutalian team ni Sotto nga mao ang Adelaide 36ers sa National Basketball League (NBL).
Apan gitino ni Antonio nga wala sila’y plano nga kuhaon si Sotto alang sa SEAG hilabi na kay nagbalanse pa ang 7’3” ug 19 anyos nga basketbolista kon mobalik kini pagduwa sa NBL o magpa-draft na sa National Basketball Association (NBA).
Ang gipaneguro ni Antonio, ilahang kuhaon si Sotto alang sa mas dagkong mga kompetisyon sama sa second window sa FIBA World Cup qualifiers sa New Zealand ug Asian Games sa Hangzhou, China.
“We still have to talk to his handlers, depende kung ano yung mga commitments ni Kai,” pasabot ni Antonio.
“Pero they know that we are interested with him (Sotto), and we are working with his schedule. So schedule-permitting, in one of these tournaments, na naka-layout, hopefully masama natin si Kai. (ESL)