Daghang rason kon nganong gamay ra ang mangaon og mani kay lagi mahadlok modaghan ang bugasbugas sa nawong o daling mosaka ang timbang.
Apan sa tinuod lang daghan kaayong sustansiya ang mahatag ini sa atong panglawas ikumparar sa iyang mga side effects.
Sa gihimong mga pagtuon sa mga sayentipiko, kining mani dunay 8 ka mga importanting nutrients sama sa Bitamina E, Manganese, Magnesium, Phosphorus, copper, potassium, folate ug resveratrol. Daghan sab kini og fiber ug healthy fats nga dako og matabang sa kasingkasing.
Matod sa Halamang Gamot nga artikulo, kining mosunod maoy mga benepisyo nga makuha gikan sa mani:
Maayo kini alang sa kasingkasing kay duna kini anti-oxidants ug minerals (manganese ug potassium) nga makatabang sa pagkontrolar sa daghang sodium nga maoy makaingon sa sakitsakit sa kasingkasing.
Maayo sab kini sa para sa mga diabetic kay usa kini sa mga pagkaon nga taas og glycemic index score ( 14) unya pinakaubos sab iyang glycemic load kay 1 ra man maong ubos ang impact ini sa blood sugar levels.
Makatabang sab kini pawala sa gallstone maong gi-rekomendar ang regular nga pagkaon ini para ma control ang cholesterol. Apan hinayhinayan lang sab ang paggamit sa peanut oil kay taas kini og fats.
Makatabang sab kini palayo sa cancer kay taas kini og anti-oxidants unya daghan og bitamina ug mineral mga makapalayo sa cancer.
Maayo sab kini sa memorya ug sa mga nagsabak. Gani gitawag kini og pagkaon sa utok (brain food) kay duna kini folate, niacin, flavonoids ug ubang mga organic compounds unya maaayo sab kining pang snack ug energy booster kay naa sab kini carbohydrate, fats and protein.
Makatabang sab kini pagbatok sa Alzheimer, sayong pagkatiguwang (premature aging), ug simtomas sa depresyon kay duna kini amino acid nga makapadaghan sa serotonin para sa utok nga maoy mobatok sa depresyon.
Dako sab kini og matabang sa buhok para malikayan ang hair loss kay taas kini og biotin ug Bitamina B complex.