ANAA na sa 24,894 ang kinatibuk-ang ihap sa nakarekober nga mga indibidwal nga nataptan sa coronavirus disease (Covid-19) sa Dakbayan sa Cagayan de Oro human nakatala og lima ka bag-ong nakarekober nga mga indibidwal.

Walay bag-ong kaso sa Covid-19 sa Cagayan de Oro sumala sa report sa City Health Office ning dakbayan.

Wala pud bag-ong patay nga natala sa siyudad, matud ni City Health Office medical officer Dr. Teodoro Yu Jr.

Ang Cagayan de Oro adunay upat ra ka mga aktibo nga mga kaso, tulo niini na-admit sa Northern Mindanao Medical Center ug uban pang mga ospital sa syudad ug usa ra ang outpatient.

Ang ihap sa mga namatay sa Covid-19 sa syudad nagpabiling anaa sa 940.