Human pormal nga nakasugod ang unang hut-ong sa Powerplay Basketball Training Camp niadtong Abril 18, 2022 sa Mactan Gym sa Barangay Mactan, dakbayan sa Lapu-Lapu, motapon na usab kini sa laing dapit.
Karong Mayo 10, 2022, Martes, ang Powerplay mag-abli na usab og laing basketball clinic sa basketball court sa Barangay Pusok sa mao gihapong siyudad.
Ang kanhi sakop sa Barangay Ginebra sa PBA nga si Larry Villanil nibutyag nga ning higayona, ang Pusok training ipahigayon matag Martes, Huwebes ug Sabado sa alas 10 sa buntag hangtod sa alas 12 sa udto.
Gipahibawo ni Villanil kinsa nahimo usab nga assistant coach sa Cebu Gems kaniadto nga limitado lang ang slots sa nahisgutan nga camp ug ilang ipatuman ang first-come, first-serve nga pamaagi.
Kini gitumong aron paghashas sa mga batan-on nga adunay abilidad ug potensiyal nga mamahimong sikat nga basketbolista sa nasod.
Alang sa mga interesado, mahimong mokontak lang sa 0923-565-6206 alang sa dugang detalyi.