Nagkasabot na ang mga kampo nila ni Filipino Donnie Nietes ug Japanese Kazuto Ioka alang sa panagharong og balik sa duha ka mga boksidor sa wala pa miabot ang gimando nga deadline alang sa World Boxing Organization (WBO) junior bantamweight title fight.
Nagpasabot kini nga wala naý mahitabong purse bidding alang sa mga interesadong mopasiugda ning maong away.
Giplanuhang ipahigayon ang away karong Hulyo 13, 2022 sa Japan apan posible pa kining mauswag.
Si Nietes, kinsa adunay 43-1-6, 23KOs nga rekord, midaog sa premirong away nila ni Ioka (28-2, 15KOs) pinaagi sa split decision niadtong Disyembre 31, 2018 sa Macau.
Taliwala sa iyang pangidaron nga 39, si Nietes padayon gihapong naggukod sa gipangandoy niyang dagkong away batok nila ni Srisaket Sor Rungvisai, Juan Estrada o Roman ‘Chocolatito’ Gonzalez.
Alang kang Nietes, ang paglupig og balik kang Ioka maoy taytayan aron mahitabo ang gipangandoy niyang away.