Pisikal nga gradwasyon wala pa tugti sa DepEd

SunStar File
SunStar File

GIPAKLARO sa Department of Education (DepEd)-Davao sa Miyerkules, Mayo 4, nga wala pa nila tugti ang face-to-face (F2F) end-of-school-year rites (EOSY) alang sa pribado ug pampubliko nga mga tulunghaan.

Gikanayon ni DepEd-Davao spokesperson Jenielito Atillo sa dihang nahinabi nga naghuwat pa sila sa ilang nasudnong buhatan nga mopagawas og kompleto nga sumbahan kon unsaon paglusad ang EOSY alang sa primary ug secondary nga edukasyon.

"If there is no guideline, we are not approving any request... to implement recognition, graduation, and moving up ceremonies because the guidelines really will tell us the specifics of how to conduct it," pagklaro ni Atillo.

Bisan og wala gidetalye, gibutyag ni Atillo nga ang DepEd-Davao nakadawat og daghang mga hangyo gikan sa mga eskuwelahan alang sa paghimo sa F2F EOSY apan wala pa nila kini aprobahi, ilabi na ang hangyo gikan sa pribadong mga institusyon.

"There is also a grey area with respect to that because there are schools who are not conducting the F2F learning modality but are now requesting for F2F EOSY so that's why we wanted this to be clarified by the DepEd central office by way of a guideline," dugang pa niya.

Apan matud ni Atillo nga ilang irekonsidera ang ilang posisyon bahin sa EOSY nga seremonyas kon mogawas na ang mga sumbanan gikan sa buhatan sa DepEd central.

Sukad niadtong miaging bulan, 419 ka pampublikong tulunghaan sa 430 nga kinatibuk-an sa Davao City naglusad na og F2F classes.

Gipahayag na ni Atillo kaniadto nga ang mga tulunghaan makahimo na og F2F classes ubos sa Alert level 1 ug 2 apan otomatiko sab nga isuspende kon ang lugar mabutang na sab sa Alert Level 3 o mas taas pa, ug ibalik na sab ang online o uban pang learning modalities. (ICM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph