DUHA ka adlaw na lang, eleksiyon na! Mora og mag-ihap og mga gutlo panahon sa Pasko ug Bag-ong Tuig, di ba? Apan sayud kita nga mas seryuso nga butang nag-agad ang Mayo 9.
Unta nahimo nang wais kita nga mga botante ug di na makuha sa kuwarta-kuwarta lang. O kon dawaton man ang kuwarta sa kandidato tungod sa grabeng panginahanglan, iboto pa gihapon ang naa sa hunahuna nga makatabang sa nasud.
Di na puwedeng masayop pa kita sa pagpili og lider, ilabi na nga nagtipun-og ug bulto-bulto ang problema nga atubangon nato sa mga mosunod nga katuigan: ang epekto sa pandemya sa ekonomiya ug panglawas, ang trilyon nga piso nga utang nato, ug ang walay kamatayon nga problema sa kurapsiyon sa gobyerno.
Hunahunaa nga kon ang napili nato kawatan, segurado nga di lang unom ka tuig tang kawatan. Gusto ba ninyo kini? Kon ang napili malimbungon ug magpakaaron-ingnon, segurado nga di lang unom ka tuig kita nga limbungan. Kini ba ang inyong gusto? Ug kon ang atong napili kuwang sa kuwalipikasyon, kulang sa kasinatian ug katakus, segurado nga di lang malunod ang atong nasud.
Kung "kuwalipikasyon" ang hisgutan, tulo ang lanog nga mga pangalan: Ping Lacson, Leni Robredo, ug Isko Moreno.
Apan si Isko, medyo hilaw pa sa nasyonal nga lebel ug kinahanglan pa og kasinatian sa serbisyong publiko. Busa segurado nga ang away naa tali ni Ping ug Leni.
Apan gipakita ni Leni niining nakalabay nga semana nga nabug-atan siya sa iyang bagahe! Bisan kinsa lang ang nakaangkla nga grupo ug interes sa iyang kampanya, kauban na ang grupo nga giingong "legal front" ni Joma. Gusto ba sa mga Pilipino ang unom ka tuig nga "Muppet Show"?
Sa pikas bahin, si Ping dunay igong kasinatian isip pulis, Constabulary, senador ug coordinator sa Yolanda relief. Ug labaw sa tanan, di siya puppet bisan kinsa - ug gipakita niini nga ipadayon niya ang away bisan og mihawa ang kanhi niya partido tungod sa P800 milyon.
Mao sab ang iyang running mate nga si Tito Sotto - may igong kasinatian sa ehekutibo ug lehislatura. Sila ni Ping dunay kombinasyon nga 83 ka tuig nga kasinatian isip magbabalaod - busa sila ang dunay katakus nga seguradohon ang sakto nga pagpapatuman sa mga balaod nga ilang giduso isip senador.
Busa asa man kita sa Mayo 9? Kon ako ang imong pangutan-on, Lacson-Sotto na kita! SPONSORED CONTENT