MIUBOS ang ihap sa mga aktibo nga mga kaso sa coronavirus disease 2019 (Covid-19) sa Dakbayan sa Cagayan de Oro.
Anaa na sa unom ang akitbo nga mga kaso sa dakbayan ug nakatala usab ang syudad og tulo ra ka mga bag-ong kaso.
Sa tulo ka mga bag-ong lokal nga mga kaso, duha ang mga lokal nga index nga mga kaso ug usa ang patay.
Ang mga lokal nga index nga mga kaso gilangkuban sa usa ka nabakunahan nga 39-anyos nga lalaki gikan sa Barangay Bugo ug usa ka wala pa nabakunahan nga unom-anyos nga lalaki gikan sa Barangay Tablon.
Ang patay usa ka 64-anyos nga lalaki nga nabakunahan na.
Miabot sa 25,844 ang kinatibuk-ang ihap sa mga kaso sa Covid-19 sa dakbayan.
Ang Cagayan de Oro adunay unom active cases, upat niini na-admit sa Northern Mindanao Medical Center ug uban pang mga ospital sa syudad, ug duha ang mga outpatient.
Nakatala usab og usa ka coronavirus-positive nga kaso nga karon naka-recover human nagnegatibo ang resulta sa iyang repeat swab test.
Anaa na karon sa 24,897 ang ihap sa mga nakarekober nga mga kaso sa dakbayan.
Ang ihap sa mga namatay sa Covid-19 sa syudad anaa na sa 941.