Giangkon sa kadagkuan sa Association of Boxing Alliances in the Philippines (ABAP) nga nabalaka sila sa nahitabo kang Eumir Marcial sa ikaduhang away niini isip professional boxer niadtong Abril 10, 2022 sa Las Vegas.
Nidaog man tuod si Marcial batok kang American Isiah Hart pinaagi sa 4th round TKO sa ilang middleweight nga away, apan nakasinati kini og tulo ka knockdowns sa nag-unang rounds.
Ang kabalaka sa ABAP adunay kalambigitan sa pagbalik ni Marcial sa amateur rank aron morepresentar na sab sa PIlipinas sa 2022 Southeast Asian Games nga ipahigayon karong Mayo 12-23 sa Hanoi, Vietnam.
“I’m concerned, personally. I’ve never seen Eumir go down three times in a fight,” batbat ni ABAP president Ed Picson nga napatik sa www.gmanews.tv. “He has been down a couple of times before pero hindi ganyan na isang laban, in four rounds, tatlong beses siyang bumagsak. Para sa akin, cause for concern talaga ‘yan.”
Matod ni Picson nga iyang gimanduan ang national coaches sa pagsusi sa posibleng mga hinungdan kabahin sa nahitabo kang Marcial.