Sumpayan og suway sa Sugboanong si Rubilen Amit ang iyang pagpanghawod sa women’s billiards singles event sa 2022 Southeast Asian Games nga ipahigayon karong Mayo 12-23 sa Hanoi, Vietnam.
Si Amit, kinsa 2-time WPA Women’s World Ten Ball champion, sulod na sab sa pito ka mga higayon nga nakalangkat og gold medal sa matag duha ka mga tuig nga kompetisyon.
Apan wala pa nahuman ang lumad nga taga Mandaue City ug tinguha pa niyang makahatag og dugang dungog sa Pilipinas.
Katambayayong ni Amit ning maong tahas mao ang giingon nga sumosunod sa iyang truno nga si Chezka Centeno.
Ang panagpares nila ni Amit ug Centeno mao ang gikonsiderar nga labing inilog sa kompetisyon.
Dako ang posibilidad nga mahitabo ang All-Pinay finals sa kompetisyon ug mao kini ang giatangan ni Centeno.
Sulod na sab sa pipila ka mga higayon nga nalupig ni Centeno si Amit apan dili pa kini paigo aron tawgon siyang bag-ong reyna sa Philippine billiards.