Pamilya sa babayeng gipatay sulod sa inn sa dakbayan sa Carcar di makapasaylo sa niangkong killer.

Matod ni Pedro Alio, amahan ni Maryjane Alio, di sila makapasaylo kang Charlo Virador sa pagpatay sa iyang anak.

Si Pedro niingon nga way kabutangan sa ilang kasuko ngadto kang Virador kay kon nasakpan kining dunay laing textmate, mahimo ra unta kining gisumbong kanila, wa patya.

Kon duna pay death penalty, gusto nilang silutan si Virador niini.

“Wala nay pasaylo pasakaan Siya namog kaso may unta madugta sa bilanggoan,” dugang ni Pedro sa interbyu sa Superbalita Cebu.

Sila si Pedro, kuyog ang iyang duha ka mga anak lalaki, niduaw sa police station sa Dakbayan sa Carcar aron komprontasehon si Virador.