Pabayron og multa nga $50,000 o P2.6 milyones ang playoff contender Philadelphia 76ers sa komitiba sa National Basketball Association (NBA).

Ang maong multa alang sa violation on league injury reporting rules sa liga diin wa mapahibalo sa 76ers ang NBA kabahin sa participation status ni Joel Embiid sa saktong oras.

Ang 7-footer nga si Embiid milingkod sa unang duha ka duwa sa best-of-seven semifinals series batok Miami Heat tungod sa right orbital fracture ug mild concussion.

Miduwa si Embiid sa Game 3 niadtong Sabado diin gilupig sa Philadelphia ang Miami, 99-79.

Ang 7-footer nga si Embiid mitali og 18 puntos aron tabangan ang 76ers. Ang Game 4 duwaon karong adlawa sa Philadelphia.