Daghan ang nakasaway ni Lebron James tungod sa gidangat sa Los Angeles Lakers sa 2021-2022 National Basketball Association (NBA) season.

Apan, ang usa sa all-time greats sa Los Angeles Lakers nga si Magic Johnson nagkanayon nga di angay i-trade ang 37-anyos nga superstar human ang makapasagmuyo nga season.

Ang Lakers wala makasulod sa playoffs, na-eliminate pud ang team sa play-in. Anaa lang sa ika-11 nga pwesto ang Lakers bitbit ang 33-49 nga baraha.

Wala makahatag ang Lakers sa expectation sa fans bisan paman daghan ang superstars ang anaa sa team sama nila Anthony Davis, Russell Westbrook, Carmelo Anthony ug uban pa.

Nag-average si Lebron 30.3 puntos sa iyang ika-19 nga season sa NBA.

Ang coach sa Lakers nga si Frank Vogel napalagpot human ang bati nga season sa 17-time champion Lakers.

Si Johnson nga midaog og lima ka titulo sa Lakers panahon sa “Showtime” mipadayag nga gusto pa siya makakita ni Lebron sa purple and gold uniform.