Comelec: vote buying grabe

PWD: Usa ka batan-ong lalaki miaswat sa usa ka hamtong babaye nga person with disability aron dad-on ngadto sa usa ka presinto sa tunghaan sa Brgy. Guadalupe nga gitagana alang kanila sa Lunes, Mayo 9, 2022. Samtang nakabantay ang Commission on Elections (Comelec) sa lapad nga pinalitay sa botos apan way mga reklamante ug saksi hinungdan nga wa silay mahimo. / AMPER CAMPAñA
PWD: Usa ka batan-ong lalaki miaswat sa usa ka hamtong babaye nga person with disability aron dad-on ngadto sa usa ka presinto sa tunghaan sa Brgy. Guadalupe nga gitagana alang kanila sa Lunes, Mayo 9, 2022. Samtang nakabantay ang Commission on Elections (Comelec) sa lapad nga pinalitay sa botos apan way mga reklamante ug saksi hinungdan nga wa silay mahimo. / AMPER CAMPAñA

Giangkon sa director sa Commission on Elections (Comelec) manlalaban Dennis Ausan nga duna gyuy lapad nga pinalitay sa boto sa wala pa ang piniliay kon basehan ang ningkatap sa mga social media post.

Matod ni Ausan nga ang maong mga impormasiyon seryoso nila nga gihatagan og pagtagad, apan di sila makapasaka og kaso kay bisan ang informant wa nipaila.

Kon gikinahanglan nga mopasaka sila og kaso sa mga kandidato nga namalit og boto o dunay madakpan, ila kining buhaton.

Iyang gipasabot nga ang pagpamalit og boto usa ka election offense ug kalapasan sa balaod criminal ug bisan walay warrant, mamahimo siya nga dakpon diha-diha dayon.

Sigun ni Ausan nga daghan silag nadawat nga mga impormasyon, bisan hulagway sa kwarta nga giestipleran pataban sa sample ballot sa usa ka kandidato apan ang problema walay maisugon nga nagpaila.

Naglisod sila sa pagsusi kon asa nahitabo ang vote buying ug asa nga lungsod bisan kon adunay ngalan sa usa ka kandidato, lakip na ang kompletong detalye wala gihatag sa nagpahibawo sa buhatan sa Comelec.

Dili usab mahimong ebedensiya ang post sa social media batok sa maong kandidato ug wala usay testigo nga moluwat og pinanumpaang pamahayag.

Tungod niini, niangkon si Ausan nga inutil ang ilang ahensiya o way gahom sa pagpasakag kaso kon way mobarog nga aduna gyuy pinalitay sa boto sa usa ka dapit.

“Kung pwede sana sila mismo will participate actively in the enforcement of law, first and foremost, the executing an affidavit, give us the available evidences, have everything documented para i-pursue natin,” matod ni Ausan.

Iyang gipasabot nga kon ipugos nga ipasaka ang kaso bisan kuwang ang ebidensiya, mahulog kini nga tsismis nga walay kamatuoran.

Samtang gipabadlong usab ni Ausan ang mga nanghatag og sample ballots sa gawas sa polling centers sanglit kini usa ka matang sa pagpangampanya.

Mao kini ang naandan na nga gipangbuhat sa mga kandidato diin manugo og mga tawo aron mang-apod-apod sa sample ballots apan hugot kini nga gidili sa balaod. Bisan ang pagbutang og mga help desk kilid sa karsada duol sa mga tunghaan nga nanghatag usab og sample ballots hugot nga gidili.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph