Ang mga kandidato sa pagkapresidente nga sila si Senador Emmanuel “Manny” Pacquiao ug Faisal Mangondato niangkon na sa ilang kapildehan sa leading bet nga si Ferdinand “Bongbong” Marcos Jr.

Matod ni Pacquiao nga gidawat na niya ang iyang kapildihan dungan sa pagpasalamat sa iyang mga dumadapig.

“The people have spoken. Tapos na ang halalan kaya’t bigyan naman natin ng pagkakataon ang pagkakaisa para sa kapayapaan at kaunlaran ng ating bansa,” matod niya.

“My decision to run was driven by my utmost desire to to serve the country and uplift the life of poor Filipinos. Bilang isang atleta, marunong akong tumanggap ng pagkatalo. Sana lang kahit talo ako sa laban na ito, panalo pa rin ang kapwa ko Pilipino...yung mga naghihirap,” dugang ni Pacquiao.

Matod niya nga nag-ampo siya alang sa umaabot nga administrasiyon ni Marcos nga ilang maaswat ang kinabuhi, ilabina ang mga kabus, sa mga pamilyang Pilipino.

Si Pacquiao niingon nga iya nang igahin ang iyang panahon alang sa iyang pamilya ug pagpahayahay apan dili siya mohunong sa pagtabang sa mga kabus pinaagi sa Manny Pacquiao Foundation.

Samtang si Mangondato uban sa iyang runningmate nga si Carlos Serapio niangkon usab sa ilang kapildihan batok sa tandem nila ni Marcos ug vice-presidential bet Davao City Mayor Sara Duterte-Carpio.

“Mangondato-Serapio congratulated the Marcos-Duterte Team who obtained the People’s Mandate,” matod sa Katipunan ng Kamalayang Kayumanggi Party sa usa ka press statement. (TPM sa SunStar Philippines)