Mag-uban na usab sa laing tulo ka tuig nga termino sila si Cebu Governor Gwendolyn Garcia ug Vice Governor Hilario “Junjun” Davide III human gideklarar sa Commision on Elections (Comelec) sa Martes, Mayo 11, sa Capitol Social Hall nga parehong nasubli sa pagkapili sa samang posisyon sa eleksiyon niadtong Lunes, Mayo 9, 2022.
Si Garcia, upat ka termino nga nahimong gobernador sa Sugbo, nikuha og 80.80 percent o 1,478,436 votes ug iyang napukan ang kaatbang nga si kanhi Tourism secretary Joseph Felix Mari “Ace” Durano kinsa nakakuha og 8.66 percent o 341,155 votes ug Nito Magnanao nga nikuha og 0.53 percent o 9,812 votes.
Si Davide, kinsa running mate ni Durano, nakakuha og 60.60 percent o 788,081 votes, napildi niya ang running mate ni Garcia nga si Dr. Maria Theresa “Doc Tess” Heyrosa nga nikuha og 46 percent o 716,450 votes ug John Enad kinsa nakakuha og 3.38 percent o 62,784 votes.
NAGPASALAMAT
Sa iyang pakigpulong, ang reelected governor nagpasalamat sa mga Sugbuanon, iyang pamilya ug mga higala sa pagsuporta sa pagpasubli sa pwesto ug nisaad nga doblehon ang iyang paningkamot isip bugti sa paghigugma kaniya.
“I am deeply, deeply humbled by this outpouring of support and love from the Cebuanos,” matod ni Garcia nga nihulagway sa kapin sa 1.1 million nga labaw sa botos nga ‘hair raising’.
“We’re still here, stronger, bigger and so much more ready to face whatever else they may throw our way because we have survived, we have been forged through fire like metal that has resisted the highest temperatures, we are now stronger than ever. Stronger still because of this overwhelming mandate from the Cebuanos,” matod niya.
MAKASERBISYO
Laing higayon nga makaserbisyo sa probinsya sa Sugbo ang paghulagway ni Davide human pormal siya nga giproklamar sa Provincial Board of Canvassers sulod sa Cebu Provincial Capitol Social Hall kagahapon, Mayo 11, 2022.
“Pasalamat ko sa mga Sugboanon, pasalamat pod tas kahitas-an sa second opportunity to serve as Vice-Governor and congratulations also to Governor Garcia on her reelection,” matod ni Davide.
Si Davide nga nakakuha og 788, 081 ka botos gikan sa mga Sugboanon atol sa piniliay sa Mayo 9, 2022 nagpasalamat sa paghatag og laing higayon nga siya makaserbisiyo.
Ang iyang kaatbang nga si Doc. Tess Heyrosa sa One Cebu party nakakuha og moabot sa 716, 480 votes.
“Well good enough wala gyud ta magkuan ana nga ako, ingun ana man gyud nang contest. She must’ve really put up a very good campaign kay fight fight man mi parehas ming Winston Garcia before, nadala sad gyud siya sa paningkamot ni Governor Gwen kay kauban man sila,” matod ni Davide.
MI-CONCEDE
Samtang, sila si Durano ug Heyrosa niangkon sa ilang kapildihan sa gubernatorial ug vice gubernatorial elections ug pulos nihangop sa nasubling napili nga opisiyal.
Sa iyang Facebook post, si Durano nipadayag sa iyang kinasingkasing nga pagpasalamat ngadto sa mga Sugbuanon sa ilang suporta sa kawsa nga #ABETTERCEBU ug ang Cebu Priority Development Agenda (CPDA) uban sa mga paghinaut sa nangapili.