Kapin sa 2.3 milyunes nga botos ang gihatag o natampo sa mga Sugboanon sa Probinsya sa Sugbo sa BBM-Sara tandem o UniTeam sa nasudnong eleksiyon niadtong Lunes, Mayo 9, 2022.
Ang lalawigan sa Sugbo, vote-rich province sa nasod, nakahatag og 1,055,985 votes ngadto kang Presidential frontrunner Ferdinand “Bongbong” Marcos Jr.
Samtang moabot usab sa 1,258,538 votes ang nakuha sa laing frontrunner sa vice presidential race nga si Sara Duterte-Carpio.
Ang final ug official nga botos hingpit nga na-cast human na-transmit ang 40 ka mga balota gikan sa dakbayan sa Bogo.
Sa kinatibuk-an moabot og 2.1 million voters gikan sa 51 ka mga lokalidad sa probinsya ang na cast niadtong Lunes Mayo 9, 2022.
Apan wa pay labot niini ang mga botos nga nakuha sa BBM-Sara sa independent o highly urbanized cities sa Sugbo ug Lapu-Lapu.
Sa maong datus sa Commission on Elections (Comelec) nakakuha og 391, 080 ka botos si Vice President Leni Robredo sa tibuok Sugbo.
Si Robredo gisundan ni Senador Manny Pacquiao nga nakakuha og 371, 183 nga botos.
Ikatulo si Manila Mayor Isko Moreno nga nakakuha og 52,504 nga botos samtang ikaupat si Senador Panfilo “Ping” Lacson nga nakakuha og 24,270 nga botos gikan sa mga Sugboanon.
BALLOT BOXES
Moabot sa 33 ka mga ballot boxes ang gikatakda nga ipadala sa Manila alang sa himuong Random Manual Audit (RMA).
Ang maong mga ballot boxes gikan usab sa 33 ka mga clustered precincts nga may moabot sa 26,000 ka mga casted ballots.
Matod ni Atty. Jerome Brillantes nga gituyo kini aron magwagtang ang pag duda sa mga tawo sa mga botos nga nakuha sa mga kandidato ilabi na sa national posts.
“Kani will be used atong i komparar ang resulta sa automation sa manual how accurate it is para matubag ang doubts ug questions sa authenticity sa accuracy sa mga tawo sa atong automation,” matod ni Brillantes kagahapon, Mayo 11.
Sa 33 ka mga balota lima ang nagagikan sa dakbayan sa Naga; upat gikan sa Pinamungajan, Tabogon, Liloan, Cebu City Second District; tulo gikan sa dakbayan sa Sugbo sa first district; tag duha gikan sa Badian, Samboan, Lapu-Lapu City, ug Mandaue City; ug usa gikan sa lungsod sa Cordova sa isla sa Mactan.
Matod ni Brillantes nga nag- hire og accounting firms ang Comelec nga maoy moihap sa mga balota sa mano-mano nga paagi.
Iyang giklaro nga dili hinuon tanan ang iphon apan random lang ang pagpili sa balota nga iphon sa Central Office sa Comelec.
Gilauman nga ipadala na ang ballot boxes sa mosunod nga mga adlaw diin human sa RMA process ibalik kini sa tagsa-tagsa ka mga lokal nga kagamhanan sa probinsya sa Sugbo.
Matod ni Brillantes nga panahon karon nga magtinabangay ang matag usa kon unsa ang maayo nga buhaton ug suportahan ang gobiyerno bisan paman og modaog o mapildi ang gisuportahang kandidato niini.