Mapun-an og dugang duha ka new registration units (NRU) ang Land Transportation Office (LTO 7) ubos sa liderato ni Regional Director Victor Caindec, partikular dinhi sa Sugbo.
Human sa walo ka tuig nga pagpaabot ug pag-follow up, ang LTO 7 gihatagan na og pagtugot sa ilang ulohang buhatan pag-abli og NRU para mapaspasan ang pagrehistro sa mga motorsiklo ug sakyanan nga bag-ong pinalit.
Kini ibutang ni Caindec sa LTO Cebu City District Office ug LTO Mandaue City District Office nga mahimo nang magamit sa mosunod nga 10 ka mga adlaw nga maoy mapuno sa kasamtangan nilang NRU sa Subangdaku, Mandaue City.
Si LTO chief Assistant Secretary Edgar Galvante nipirma sa Office Order No. 2022-117 nga maoy nagtugot sa LTO 7 pag-process sa aplikasiyon para sa bag-ong rehistrasiyon sa mga motor vehicle ug “Do-It-Yourself” (DIY) Sales Reporting System.
Si Caindec nagkanayon nga gumikan sa duha ka bag-ong NRU, wala nay rason ang mga dealer nga malangan pa ang rehistro ug ipasangil ngadto sa ilang opisina bisan kon ang kamatuoran gitan-ogan sa ilang opisina ang mga dokumento ug dunganon og hatod ngadto sa NRU sa LTO.
“While some dealers insist there are ‘delays’ even without proof to counter LTO 7’s zero-backlog certifications, the opening of the two additional New Registration Unit offices at J Center Mall (Mandaue City) and Robinsons Galleria (Cebu City) seeks to further put to rest the alibis of delayed new registrations from LTO 7,” pasabot ni Caindec.
Ang NRU sa regional office kanunay nag-isyu og zero-backlog certification aron pahibaw-on ang publiko nga wa nay pending sa ilang opisina para sa bag-ong registration para sa mga dokumento nga nasayo og duso sa ilang buhatan.