Panday namatay human nabangga sa sakyanan sa Pryce Gas sa Biyernes sa buntag, Mayo 13, 2022,dihang gilikayan ang Ceres bus nga maoy iyang gisundan sa nasudnong dalan sa Barangay West Canayaon, Garcia Hernandez, lalawigan sa Bohol.

Si Police Corporal Emilyn Dialino sa Garcia Hernandez Police Station niila sa biktima nga si Dante Ranque, hingkod, taga Barangay Candulao, sa mao nga lungsod.

Matud ni Dialino nga si Ranque nagsakay sa iyang motorsiklo padung sa Barangay West Canayaon kay dunay pandayunon nga iyang trabahuon.

Sa iyang pagbiyahe, siya nagdali samtang nagsubay sa nasudnong dalan. Siya nagsunod sa usa ka Ceres nga bus apan nisuway siya og overtake aron mouna, iyang gikasugat ang truck.

Giingong gusto pa suwayan og likay ni Ranque ang sakyanan, apan tungod sa kakusog sa dagan, nibangga siya sa truck.

Namatay diha-diha si Ranque sa grabeng kadaut sa iyang lawas sa kakusog sa impact.

Dunay tinuhoan nga ang petsa 13 nga matumong sa Biyernes di maayo kay dunay mga dautan nga mahitabo hinungdan nga magmatngon pag-ayo.