Ang pagpanghatag sa suweldo sa beneficiaries sa Tabang Alang sa Panginabuhian sa atong Trabahante (TAPAT) ug financial assistance alang sa mga biktima sa bagyong Odette (Rai) magpadayon.
Matod sa Cebu City News and Information nga ang pagpanghatag niadtong Biyernes, Mayo 13, 2022, mao ang unang hugna human sa eleksiyon niadtong Mayo 9, 2022.
Dugang nga schedules ang itakda sa Siyudad aron mahatagan ang tanang nalista nga beneficiaries sa mga programa.
Naundang ang pagpanghatag niini ngadto sa mga benepisaryo sa 80 ka mga barangay sa siyudad sa Sugbo tungod sa election ban.
Human napili si Mayor Michael Rama, iya dayong gimando ang dinaliang pagpadayon na sa mga assistance nga gisaad sa Siyudad sa wa pa ang eleksiyon, labina alang sa senior citizens.