Wala pa modesisyon si James Yap kon padayon pa ba siyang moduwa sa Philippine Basketball Association (PBA) o dili na human siya napiling konsehal sa San Juan City sa miaging eleksiyon.
Apan kon ang usa sa mga tag-iya sa Rain or Shine Elasto Painters nga si Raymond Yu ang pangutan-on, angay lang nga moduwa pa ang gitawag og “Big Game James” alang sa usa ka farewell season.
“James Yap deserves to be given a fitting tribute as an acknowledged star player of Rain Or Shine and provide him the honor for his contributions not, just to our team, but also the previous squad he played for,” batbat ni Yu sa interbyu sa www.abs-cbnnews.com.
“He has been the face of the PBA for many years.”
Wala pa man tuod siya mobuhi og pinal nga desisiyon apan gipadayag ni Yap nga interesado sab siya sa ideya moduwa og usa ka season una siya hingpit nga moretiro.
“Tinanong lang ako ni (team executive) Boss Edison (Oribiana) kung kailan ako mag-practice. Pero magpapa-kundisyon muna ako sa Italy. May trainer ako doon,” mensahe ni Yap pinaagi sa Viber.
Si Yap, kinsa nag-edad na og 40, nakatakdang molarga sa Italy sunod semana kauban ang iyang pamilya.
Ang sunod season sa PBA nakatakdang sugdan karong Hunyo 5, 2022.