Ang Parish Pastoral Council for Responsible Voting (PPCRV) nakamatikod sa 1.61 porsiyento nga mismatch tali sa election returns (ERs) ug transparency server alang sa 2022 nga eleksiyon.
Si Commission on Elections spokesperson John Rex Laudiangco niingon nga sa 45,135 ka ERs nga nadawat sa PPCRV, 30,727 na ang na-encode.
Sa kinatibuk-an nga na-encode nga ERs, 30,235 ang nagtugma, samtang 240 ang wala.
Si Laudiangco niingon nga walay angay kabalak-an sa kalainan tungod kay dili kini makaapekto sa resulta sa piniliay.
Si PPCRV chairperson Myla Villanueva niingon nga ang mismatch posibleng tungod sa human error.
“I wanted to caution on the 1.6 percent mismatch. It doesn’t mean that it is the whole ballot that’s not matching. Sometimes, you know, a volunteer is tired and may have had a typo because we matched this two times over,” matod niya sa interbyu sa television sa Lunes, Mayo 16, 2022.
Matod ni Villanueva nga ilang susihon ug i-validate ang mga mismatch.
Sa sayo pa, giinsister ni Laudiangco ang pagkawalay pagpanikas sa eleksiyon sa bag-o lang natapos nga 2022 nasiyonal ug lokal nga eleksyon, ug niingon nga ang Comelec mihimo sa ilang mga gimbuhaton sa sulod sa balaod ug mga lagda sa eleksiyon.
Matod niya nga bisan ang PPCRV, usa ka independente nga tigbantay sa eleksiyon, nagpamatuod bahin sa katukma sa botos. (TPM sa SunStar Philippines)