SAMAL ISLAND -- Misamot sa pagkamadasigon ang duha ka mga senior citizens sa Island Garden City of Samal sa Davao del Norte ang mingdawat sa ilang cash gift nga P100,000 gikan sa Department of Social Welfare and Development (DSWD) Davao Region.

Kini human nga nakompleto ang ilang mga dokumento niadtong Mayo 13, 2022 alang sa pag-ila sa ilang taas nga mga katuigan sa kalibutan.

Ang 102-year-old nga si Lola Sofia M. San Juan sa Barangay Tagdaliao, Samal District, personal nga midawat sa iyang cash gift ug ang mipanaw na nga si Agripina P. Jala, 100-anyos, taga Barangay Villarica, Babak District.

Si Lola Agripina mipanaw human nakompleto ang mga rekisitos, apan ang DSWD-Davao mihatag gihapon sa iyang cash gift nga gidawat sa mga anak niini.

Luyo sa cash gift midawat sab sila og letter of felicitation gikan sa presidente ang mga nahisgutan.