Gilas nakaipsot sa Thailand

Sa panahon nga labing mahinungdanon, ang Gilas Pilipinas misandig sa Sugboanong higante nga si JuneMar Fajardo aron lupigon ang Thailand, 76-73, sa pagsugod sa ilang kampanya sa men’s basketball event niadtong Mayo 16, 2022 sa gabii sa 31st Southeast Asian Games.

Ang produkto sa University of Cebu (UC) Webmasters nagpakatap og 28 puntos ug 12 rebounds aron pangulohan ang Gilas, nga nagtinguhang makadepensa sa ilang titulo sa matag upat ka mga tuig nga kompetisyon.

Sa sayong bahin, ang Thailand mao ang nagkontrolar sa duwa ug nakalabaw pa kini og dobleng numero nga puntos.

Hinuon sa pagpangulo ni Fajardo, nakagukod ang Gilas ug nailog nila ang labaw, 38-34, sa halftime.

Ang Thailand nagsige ra gyud og sikit sa Gilas gikan sa 3rd quarter ug nakasuway pa kini pag-itsa og buzzer-beater three-pointer nga mao unta ang makapugos og overtime kon nasulod pa.

“This was really the team that I was worried about,” matod ni Gilas coach Chot Reyes nga napatik sa Spin.ph.

“We are playing four Americans and we knew that this is a high-quality team. I don’t want to say that I expected it but I knew that there is a possibility that that start would happen.”

Puntos matag usa:

Gilas Pilipinas (76) – Fajardo 28, T. Ravena 17, Tautuaa 9, Pogoy 6, K. Ravena 5, Wright 4, Rosario 3, Go 2, Montalbo 2.

Thailand (73) – Soonthornchote 18, M. Morgan 15, Muangboon 12, Lish 10, Jaisanuk 6, Jakwaran 4, Chanthachon 4, Towaroj 2, J. Morgan 2.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph