Isip pagsaulog sa ika-25 nga kasamuran sa pagkatukod sa Children’s Legal Bureau (CLB), ipahigayon unya ang Dinner for a Cause aron pagtapok sa tanang advocates agig pagsuporta sa among organisasiyon.
Ang maong panagtigom himuon sa Aula Magna Hall, Basilica Minore del Santo Nino, Cebu City karong Mayo 28, Sabado.
Niadtong Mayo 28, 1997, namugna ang CLB aron sa pag-abag sa pagpanalipod sa mga bata ug kabataan ingon man sa pagduso ug pagpalanog sa ilang mga katungod.
Sa kantidad nga dos mil singko pesos (Php 2,500.00) matag tawo, makatabang na kini sa panudlanan sa organisasiyon labaw na sa Children’s Defense Fund. Limited lang ang mga ticket sa maong event.
Gilauman sa organisasiyon nga pinaagi sa ticket sales sa maong kalihukan, madugangan ang panudlanan sa CLB alang sa pagtubag sa mga panginahanglan sa mga client-survivors o katong mga bata nga nahimong biktima sa mga kaso sa pagpanghimulos ug pagpangabuso.
Lakip sa mga kasong girepresentaran sa CLB ang mga kasong kalapasan sa Anti-Trafficking in Persons Act ug Anti-Child Pornography Law.
Dunay himuong Anniversary Mass sa dili pa magsugod ang Dinner for a Cause agig pasalamat sa padayon nga operasiyon sa CLB sa ika-25 ka tuig ini.
Sundan unya kini og usa ka pormal nga programa kon diin mu-perform ug magpakita sa ilang mga talent ang mga child rights advocates.
Hatagan sad og pasidungog ang nagkalainlaing CRAs ug mga kanhing empleyado sa CLB nga mipadayon sa ilang tahas sa pagpanalipod sa mga bata.
Dunay solidarity messages nga ihatag gikan sa mga partners sa CLB ug testimonitals gikan sa among mga kliyente.
Karong tuiga mao ang Silver Jubilee sa CLB nga sulod sa baynte singko (25) ka tuig, padayon gihapon ang CLB sa pag-alagad alang sa kaayuhan sa mga bata sa matag komunidad.
Giubanan ang CLB sa iyang partners, networks ug advocates sa pagtabang sa mga kalisdanan sa kabataan ug mga bata.
Sa pagsaulog sa kasumaran sa pagkatukod sa CLB, dad-on sa organisasyon ang tema nga “Bolstering Legal Advocacy for Child Protection”.
Alang sa dugang detalye, padayon kamo sa pagbisita sa among Facebook page, o pag-email sa clbsilver@clb.org.ph. Mahimo sab nga i-contact si Weng Aballe (Mobile # 0977-162-2261)
[Sinulat ni Atty. King Anthony Perez, usa sa mga abogado sa Children’s Legal Bureau. Mahimo kamo nga mupadangat sa inyong mga suliran o pagsumbong sa kaso sa pagpangabuso pinaagi sa pag-email (clbphilscebu@gmail.com) o pag-send og mensahe sa Facebook Messenger: m.me/ChildrensLegalBureauInc]