Imbitado sa pagpahigayon og ‘mass oath taking’ sa partidong One Cebu sila si presumptive President Bongbong Marcos Jr. ug presumptive Vice president Sara Duterte-Carpio.
Kini maoy gipahibawo ni Cebu Governor Gwendolyn Garcia atol sa pakighinabi sa mga tigbalita, Mayo 16, 2022.
Si Garcia, chairman sa 1Cebu, nagkanayon nga wala pay tukmang petsa sa giplanohang pagpanumpa sa mga ningdaog nga mga kandidato.
“Given that 1Cebu has overwhelmingly won in the entire Province of Cebu. Since this is really history in the making, we are planning on a mass oath taking with all of our wining congressmen, mayors, vice mayors, councilors, board members,” matod ni Garcia.
Wala pa moluwat og dugang detalye ang gobernador apan nanghinaot siya nga motukma kini sa schedule ni Marcos.
Si Garcia midaog sa milabayng eleksyon sa Mayo 9 alang sa laing tulo na sab ka tuig sa Kapitolyo.
Atol sa proklamasiyon sa gobernador niadtong Mayo 10, unang gipahibawo ni Vice Presidential Spokesperon ug Liloan Mayor Christina Garcia-Frasco nga nangutana na si Duterte-Carpio kon kanus-a ang gitakdang inauguration.
“As I said, prior to the election, Presumptive Vice President Inday Sara has already asked when the inauguration will be. I think she is already planning. I hope they can (attend) but we would understand kon busy kaayo,” matod ni Garcia.
Ang 1Cebu pinangulohan ni Garcia pormal nga niendorso sa UniTeam sa Sugbo niadtong Abril 12.
Atol sa adlaw sa piniliay, ang most vote-rich province nakahatag og moabot 1,055,985 votes alang ni Marcos ug 1,258,538 votes alang ni Duterte-Carpio base sa Media Transparency Server.