Dako nga pagtabang alang sa katawhan sa Sawang Calero

Hulagway kuha ni Benjie Talisic
Hulagway kuha ni Benjie Talisic

Usa ka mega humanitarian activity ang ipahigayon sa Cebu City Institute Gym sa Barangay Sawang Calero, siyudad sa Sugbo karong Sabado, May 21, ug Dominggo, Mayo 22, 2022.

Ang duha ka adlaw nga dakong kalihokan ubos kini sa pagpasiugda sa Semi Di Speranza Foundation nga natukod niadtong 1999 nga naila nga kanhi Luz Cabatingan Foundation.

Ug sa samang higayon, manumpa ang mga bag-ong opisyal sa foundation ubos sa bag-ong pangalan.

Matud ni Chili Tita Cabatingan, founder ug CEO sa Semi Di Speranza Foundation, nga gibag-o ang pangalan sa maong kahugpongan, gisunod sa iyang inahan.

Dason niya, dunay rekisitos nga ilang gisunod sa Securities and Exchange Commission (SEC).

Sa pagbuhi sa maong kahugpongan, pasiunang kalihukan ang mega humanitarian activity diin ang foundation moapud-apod og 50 ka wheelchairs ug liboan ka eye glasses.

Dul-an sa 20 ka mga doktor sa mata gikan sa kaulohan ang moabot sa Sugbo nunot na sa maong kalihukan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph