Gipanglubong og taga liog sa Gilas Pilipinas ang Cambodia, 100-32, niadtong Martes sa gabii, Mayo 17, 2022 sa ikaduha nilang tahas sa men’s basketball sa 31st Southeast Asian Games sa Hanoi, Vietnam.
Ang Gilas, nga nakasugat og grabeng pagpanghudlat una nila napukan ang Thailand, 76-73, sa premiro nilang duwa, nagbangis og maayo ning higayuna sa pagsugod pa lang sa kombati nila sa Cambodia.
Nahimo kini sa Gilas bisan wala gibabad og maayo ni coach Chot Reyes ang labing mga sinaligan niini nga gipangulohan sa Sugboanong higante nga si JuneMar Fajardo.
Ning pagsuwat, padayon pang nakigsangka ang Gilas sa Singapore kagabii.
Puntos matag usa:
Gilas Pilipinas (100) - Lopez 17, Navarro 16, Tungcab 14, Go 13, Wright 10, Montalbo 8, Fajardo 5, Ravena T. 5, Rosario 4, Pogoy 4, Ravena K. 2, Tautua’a 2.
Cambodia (32) - Seng 8, Tep 7, So 7, Hu 6, Chin 2, Soy 2.