Ipadayon sa Kagamhanan sa Probinsya sa Sugbo ang pagpatuman sa estriktong pag-monitor ug pag-surveillance isip kabahin sa mga border control sa tanang buhing baboy, mga produkto niini lakip na ang mga manok ug langgam nga moagi sa mga pantalan ug tugpahanan.
Kini subay sa nagpadayon usab nga pagkatap sa African swine fever (ASF) sa Luzon, pipila ka bahin sa Mindanao ug Eastern Visayas. Gipahibawo ni Cebu Governor Gwendolyn Garcia nga wala siyay planong libkason ang kamandoan sa pagpahugot sa mga utlanan.
“Padayon ang tight controls nato sa borders against ASF that has hit more than 50 provinces. So, padayon ang atong pag prohibit sa atong live hogs, pork and pork-related products from the entire Luzon, Mindanao and Region 8,” matod ni Garcia.
Ang Sugbo usa sa labing dako nga producers sa pork products sa nasud. Gawas sa pork products, padayon usab nga ipatuman ang ban sa mga poultry products lakip na ang mga byproducts subay sa mga kompirmado nga kaso sa bird flu sa ubang mga dapit.