Kapulisan sa siyudad sa Sugbo nakadawat og impormasiyon nga nagpadayon nga nag-operate ang online sabong bisan gipahunong na kini sa gobyerno sa wala pa ang eleksiyon.

Niadtong unang semana sa Mayo 2022, nipagawas og kamandoan si Presidente Rodrigo Duterte sa pagpahunong sa operasyon sa e-sabong sa tibuok Pilipinas nunot sa mga nahitabng krimen mugna sa maong matang sa sugal.

Gipangsusi sa kapulisan ang mga online sabongan sa siyudad sa Sugbo ug nasuta nga sirado na kini.

Apan matod ni Police Lt. Col. Wilbert Parilla, deputy city ditrector for operation sa Cebu City Police Office, nakadawat sila og report nga dunay sekretong e-sabong nga pinili ang maka-access niini.