Traffic enforcer napunggitan sa pick-up, angol; driver gibuhian

Napunggitan ang usa ka traffic enforcer sa usa ka pick-up nga sakyanan samtang nag-duty sa dalan sa St. Francis de Asisi Parish Church sa Barangay Baliwagan, lungsod sa Balamban, alas 5:05 sa hapon sa Miyerkulis, Mayo 18, 2022.

Ang biktima giilang mao si Jovey Ramos, 37, taga Cambuhawe, sakop sa Balamban Traffic Office Management (Batom).

Samtang ang nagmaneho sa pick-up giilang mao si Bernardo “Enad” Ricafort, 55, minyo, taga Barangay Pondol, Balamban.

Si Ricafort gibuhian sa kapulisan sa alas 10:00 sa gabii Miyerkules human nagkasabot ang mga pamilya ni Ricafort ug Ramos.

Si Police Corporal Monchito Clarin sa Balamban Police Station nga nahinabi sa Superbalita Cebu, nagkanayon nga si Ricafort nipirma sa amicable settlement nga gastuhan ang pagpatambal ni Ramos.

Matud ni Clarin, ang traffic enforcer nagdumala sa trapiko dihang napunggitan sa pick-up nga Toyota Hilux (GAF 1656) nga gimaniho ni Ricafort, kinsa nidiretso nga ni-left turn dihang napunggitan ang biktima.

Human sa pagkatumba ni Ramos, nalatayan pa ang iyang tiil kay wa dayon makahunong si Ricarfort.

Ang biktima gidali sa pagdala sa mga rescuer sa Provincial Hospital sa Balamban.

Sumala ni Clarin, ang drayber nipadayag nga wala niya tuyoang dasmagan si Ramos, apan sa imbestigasiyon nasuta nga nag reckless driving ang suspek.

Sa CCTV footage nga kuha sa Batom, nalatayan ang tiil ni Ramos hinungdan nga ipasemento.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph