Ang cash aid sa senior citizens sa dakbayan sa Mandaue gikatakdang iapud-apod karong Mayo 23-27, 2022.
Ang pag-apod-apod sa aid alang sa mga bedridden i house-to-house. Si City Administrator Atty. Jamaal James Calipayan niingon nga ang cash assistance alang sa mga senior citizen andam na alang sa pag-apod-apod.
Giuswag ang partial distribution sa cash aid tungod sa election ban, nga nagdili sa local government units sa paggasto sa public fund 45 ka adlaw sa dili pa ang adlaw sa eleksiyon sa Mayo 9.
Ang cash distribution ipaagi sa cash card pinaagi sa Landbank ug uban pang (automatic teller machines) ATMs, ug cash payouts gikan alas 9 sa buntag hangtod alas 5 sa hapon sa matag usa sa 27 ka barangay sa siyudad.
Ang mga kuwalipikadong senior citizens adunay katungod nga makadawat sa unang tunga sa Php 4,000.
Alang sa mga senior nga makadawat sa tabang pinaagi sa payout, kinahanglan sila magdala og usa ka valid identification (ID) card uban sa ilang senior ID sa pag-claim.
Sa laing bahin, ang paghatag sa mga bedridden nga seniors ihatod sa matag balay.
Apan mahimo silang makasugo sa awtorisadong tawo basta nakatuman sa mga dokumento sama sa accomplished form of authorization nga makuha gikan sa Office of Senior Citizens (OSCA), ID sa senior ug medical certificate sa hingtungdang senior citizen, dugang ni Calipayan.
Ang mga senior nga mapakyas sa pag-claim sa ilang cash assistance sa naasoy nga mga petsa mahimong mobisita sa City Treasurer’s Office aron ma-claim kini gikan sa Mayo 30-31.
Dugang pa, ang mga manununod niadtong mga senior nga indibidwal nga kalit nga namatay sa wala pa ang petsa sa pag-apod-apod apan na-validate na nga makadawat sa cash assistance mahimo gihapon nga mo-claim sa cash aid.
Sila kinahanglang magdala sa senior’s death certificate, ID, ug authorization gikan sa heir sa namatay. Sa kinatibuk-an, ang mga senior citizen sa Mandaue City, nga mokabat sa 24,000 ang populasyon, adunay katungod nga makadawat og Php 8,000, nga ihatag matag Mayo ug Disyembre.
Sa laing bahin, gipasalig ni Calipayan nga ang cash assistance alang sa Bagyong Odette (Rai) alang sa partially ug grabeng naapektuhan nga mga balay isunod dayon pagkahuman sa pag-apod-apod alang sa mga senior citizen.