Dear Papa Joe,

Tawaga lang ko sa ngalan nga Tom, 30 anyos. Ang akong problema mao akong ka live in.

Gwapa ni siya ug nag promo ni siya og make up. Ang akong problema kay magsige ni siya og laag kuyog ang iyang amo nga lalaki ug matud pa niya nga ing ana iyahang amo ka generous daw sa mga kauban niya kay sila man daw tanan manglakaw ug di malikayan mag-inom.

Ganahan ko nga sumbatan siya pero wa koy kusog mobuhat kay wa koy trabaho. Siya ang naggasto tanan. Pero di malikayan nga magselos ko kay madunggan nako sila mag chat sa iyang kaubang babaye nga gwapo ilang boss, crush kuno nila. Mao naa ko karoy trust issue basin ma transfer of affection na hinuon siya ug byaan ko. Palihug tambagi ko unsay buhaton.

TOM

Tom,


Pagsalig maoy kasagaran isulti sa mga tawo pero di na sayon kon tan aw nimo duol kaayo ka sa tentasiyon. Labi na mag inom. Siyaro di sad maikug ang amo nga may ka live in na iyang mga tawo nga pwede maoy hinungdan sa away.

Pag talk lang mo sa imong ka live in about sa imong side ug maayo nga mangita ka og trabaho para kon may igo kang kwarta, pwede na siyang papahuwayon sa trabaho o ba kaha ingna siya nga ikaw ang mokuha niya kon asa man siya lakaw kay kon mobalibad siya, anha ka mabalaka.

PAPA JOE