Subay sa tinguha nga mapailaila sa mga turista ug uban pang mga Sugboanon ang mga produkto sa Sugbo ug ang turismo niini, laing hugna sa R’Cebu Sum-may-riffic Trade exhibit ang gipahigayon sa kalungsoran sa tersero distrito sa usa ka mall sa North reclamation area sa Mayo 20, 2022.
Gipresentar sa mga nagkalainlaing tourism offices ang mga destinasiyon ug mga produkto gikan sa lungsod sa Aloguinsan, Asturias, Balamban, Barili, Pinamungajan, Tuburan ug dakbayan sa Toledo.
Gawas sa tourism attractions nga gipresentar sa matag lungsod, gipasigarbo usab niini ang mga nagkalainlaing lokal nga produkto sa naasoyng mga lungsod.
Sama nalang sa kape, turmeric, goat’s milk, suka, torta, binangkal, macaroons, handwoven bags, accessories ug uban pa.
Ang maong kalihukan nga gipangulohan ni Cebu Governor Gwendolyn Garcia, gisugdan aron mabanhaw ang tourism economy sa probinsya nga naapektohan sa gihimong pagpahugot gumikan sa coronavirus disease pandemic.
Ang R’Cebu exhibit nga nahimutang sa Robinsons Galleria molungtad pa hangtod sa Mayo 22, 2022.