Gilas padayong nagbangis

Padayon ang kabangis sa Gilas Pilipinas ug ilang gipanglubong ang host Vietnam, 88-60, sa miaging gabii, Mayo 19, 2022 sa men’s basketball sa 31st Southeast Asian Games sa Hanoi, Vietnam.

Kini maoy ikatulong sunodsunod nga higayon nga gipanglubong sa Gilas og taga liog ang ilang kontra human sa makutas nilang kadaugan batok sa Thailand sa premiro nilang tahas.

Bitbit ang 4-0 nga rekord, mialisngaw na ang bulawang medalya alang sa Gilas.

Ang kumbinasiyon nila ni June Mar Fajardo, Kiefer Ravena, ug LeBron Lopez mao ang naggiya sa Gilas aron dominahon ang mga Vietnamese.

Ang Gilas aduna na lang duha ka nahabiling mga tahas diin ikaharong nila ang Malaysia ug Indonesia.

Puntos matag usa:

Gilas Pilipinas (88) – Fajardo 25, K. Ravena 12, Lopez 12, Pogoy 8, Rosario 7, T. Ravena 6, Navarro 6, Montalbo 3, Wright 3, Tungcab 2, Tautuaa 2, Go 2.

Vietnam (60) – Dierker 20, Dinh 12, Juzang 8, Huynh Phu 6, Cilia 5, Dinh 3, Du Minh 2, Vo Kim 2, Nguyen Van 2

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph