Dear Noy Kulas,
Itago lang sa ko sa ngan nga Edwin, 40 years old na ug OFW. Buwag na mi sa akong asawa for seven years kay nikuyog sa laing lalaki. Wa pa ko nibalik sa gawas kay nalingaw pa ko diri kay dako kog natigom sa akong panarbaho.
Kani laging Facebook bisan kinsa na lang ang atoang maila-ila ug niabot sa akong kinabuhi ang babaye nga taguon lang nato sa ngan nga Leila. Toa siya sa abroad karon nag work. Minyo siya pero babaero kuno kaayo ang iyang bana ug mao ni ang rason nganong ni-abroad siya aron di maglabad ang iyang ulo. Naa silay mga anak but ang mga bata naa sa iyang parents.
Suod na kaayo mi ug kanang intimate na kaayo ang among communication. Usahay mag video call mi nga as if nag sex ming duha. Kakita na mi sa usag usa nga nude. Kon naa pa na siya diri, ambot kapila na kaha na siya nako nalapaan.
Karon gusto niya nga kon mobalik ko sa abroad, adto sa iyang country nga gitrabahoan niya. In short, iya kong paapason. Ingon niya mo file siya og divorce sa iyang bana aron makasal mi didto. Maayo kaha? Mahimo diay na niya didto? Excited ko pero naguol ko para sa iyang pamilya. Please tambagi ko.
EDWIN
Dwin,
Ipahan-ay una niya ang iyang kinabuhi o kaminyuon sa iyang bana kay basin maproblema mo in the future. But ang labing maayo ana nga imong buhaton mao ang pag-ila niya ug sa iyang pamilya. Kon pulos mo taga Cebu, di na lisod sayran ang iyang tinuod nga pagkatawo. Basin ba nagpatuo lang na siya nga di maayo ang ilang relasiyon sa iyang bana aron ka ganahan niya og maayo.
Diha ka na mo decide kon unsay sunod mong lakang. Unya mas maayo sab nga kon di na mo magkauli sa imong asawa, i-explore ang legal separation aron di ka mabulilyaso sab.
Mahimo na niya ang pagpakigminyo kon masubay kini sa balaud sa nasod diin siya nagtrabaho. Siya ray nasayod kon unsay mahimo ug unsay dili.
NOY KULAS
Rojval69@yahoo.com