WALAY bag-ong kaso sa Covid-19 sa Cagayan de Oro, sumala sa report sa City Health Office ning dakbayan.

Wala pud bag-ong patay nga natala sa siyudad, matud ni City Health Office medical officer Dr. Teodoro Yu Jr.

Sa pagkakaron, nagpabiling 25,859 ang kinatibuk-ang ihap sa Covid-19 nga mga kaso sa Cagayan de Oro ug 941 ang ihap sa namatay sa Covid-19 sa syudad.

Ang Cagayan de Oro nakatala usab og pag-ubos sa ihap sa mga aktibo nga kaso.

Aduna nay walo ka mga aktibo nga kaso karon ang dakbayan, usa niini na-admit sa Northern Mindanao Medical Center ug pito ang mga outpatients.

Anaa na karon sa 24,910 ang ihap sa mga nakarekober nga mga kaso sa dakbayan.