Si Marcus Smart nga gikan sa Boston Celtics ang defensive player of the year human siya nakakuha sa labing daghan nga botos alang sa All Defensive first team nga giubanan usab ni Mikal Bridges, guard sa Phoenix Suns.
Ang kanhi defensive player of the year nga si Rudy Gobert sa Utah Jazz ug Giannis Antetokounmpo sa Milwaukee Bucks apil usab sa nakakuha og daghang botos uban kang Jaren Jackson Jr. sa Memphis Grizzlies.
Si Smart nakakuha og 99 first-place votes ug 198 points gikan sa panel nga gilangkuban sa 100 ka sportswriters ug broadcasters.
Ang runner up ni Smart nga si Bridges adunay 95 first team votes ug three second-team votes nga niabot og 193 puntos.
Ang three-time defensive player of the year nga si Gobert napili sa all defensive first team sa ikaunom nga sunodsunod nga season.
Samtang napili sa upat nga sunodsunod nga season si Antetokounmpo apil na ang iyang 2019-2020 season diin siya ang NBA MVP ug DPOY awardee.
Si Jackson kinsa maoy nag-una sa block category nga adunay 2.27 blocks per game napili sa labing unang higayon.
Ang second team gilangkuban nilang Miami forward Bam Adebayo, Milwaukee guard Jrue Holiday, Philadelphia guard Matisse Thybulle, Boston center Robert Williams III ug Golden State forward Draymond Green.