Usa ka drayber nga no.1 most wanted person nasikop sa kapulisan alas 3:00 sa hapon sa Sabado sa Purok Bayabas, Barangay Tuyom, dakbayan sa Carcar.
Ang akusado giilang si Noel Fernandez Lapasaran, 43, minyo, family driver ug nagpuyo sa dapit.
Si Police Lt. Col. Ardioleto Cabagnot, hepe sa Carcar Police Station nga nahinabi sa Superbalita Cebu, nagkanayon nga si Lapasaran nakapatay kinig dispatcher niadtong 2014.
Sumala ni Cabagnot, si Fernandez dunay kasong murder nga may warrant of arrest nga giisyu ni Judge Wilfredo Navarro, sa Regional Trial Court (RTC 7), Br. 19, Cebu City, gipitsaha’g July 22, 2014 nga way piyansa.
Nakadawat silag impormasyon nga naa sa Carcar City nagtago ang suspek.
Sumala ni Cabagnot, nga si Lapasaran malinawon nga nitahan human nila gibasahan sa iyang warrant.