Kapin sa 40 milyunes ka fully vaccinated individuals ang wala pa makapa-booster shots bisan kuwalipikado na sa pagpatusok sa dugang dose sa bakuna batok sa coronavirus disease 2019 (Covid-19), sumala sa usa ka pamahayag sa Department of Health (DOH).
“There are 54.4 million individuals due for booster doses, of which 13.7 million or 25 percent have already been boosted,” matod sa DOH.
“There are 40.6 million left to be boosted,” dason sa pamahayag.
Sa sayo pa, si Health Undersecretary Myrna Cabotaje nagkanayuon nga ang ubos nga gidaghanon sa nagpa-booster shots posibling tungod sa walay pagbati nga kini dinalian.
“They know the importance of getting booster shots, but they don’t know the urgency. Some don’t want to miss their work so they haven’t gotten their booster shots yet,” matod ni Cabotaje.
Bisan niini, ang DOH nakasugod na sa paghatag og second booster shots ngadto sa senior citizens ug frontline health workers.
Ang second booster shots pwede mahatag human sa dili mominos upat ka abuwan human sa first booster shot.
Sumala sa data nagpakita nga dunay 1,090,778 ka healthcare workers ang eligible alang sa second booster doses ug 2,143,251 eligible senior citizens sa paningkamot sa halapad nga mabakunahan. (HDT / SunStar Philippines)