GIPAUBOS sa lima ka adlaw nga pagbansay-bansay ang mga opisyal sa Bureau of Customs (BOC) ug ubang law enforcement agencies sa mga eksperto gikan sa United States Customs and Border Protection (CBP) didto sa Dusit Thani, Lapu-Lapu City aron dili makalusot ang mga kontrabando sa Pilipinas.
Ang mga top intelligence ug enforcement officers sa BOC, uban sa mga mga high-ranking officials sa Bureau of Immigration, Philippine National Police, Philippine Coast Guard ug Cebu Port Authority gipaubos sa training niadtong Mayo 16 hangtod Mayo 20.
Sila si CBP Attaché Pete R. Acosta ug Regional Advisor Ransom J. Avilla sa US Department of State-Export Control and Border Security Program, inubanan ni guest speakers Gerard Bradley, Mabel Peña ug Imtiaz Ishahak, maoy nangulo sa training aron mapun-an ang kaalam sa mga Pinoy.
Gihangop ni BOC Port of Cebu District Collector Charlito Martin R. Mendoza ang delegasyon gikan sa US kinsa nitumbok nga kinahanglan nga adunay kanunay nga update, review ug pag-improve sa operations pinaagi sa pag-share sa international knowledge ug capacity building.
"To do our job well, we need all the help we can get. And this week, we are getting one of the world’s best. So we keep in mind the big questions -- How can I use this knowledge to tighten border control? How can I use this tool to improve how we do our jobs? How can we apply these global best practices in our local situations so that we can be the best Philippine Customs and border officers we can be?" padayag ni Mendoza. (PAC)