MOKABAT na sa 105 ka mga tawo ang nangaluwas gikan sa usa ka fastcraft nga nasunog sa kadagatan sa Real, Quezon sayo sa buntag sa Lunes, Mayo 23, 2022, matod sa Philippine Coast Guard (PCG) search and rescue.
Matod sa update sa PCG, pito ka mga tawo ang nangamatay, lima kanila mga babaye samtang duha ang mga lalaki.
Sa pasiunang imbestigasiyon, ang pasaheroan nga fastcraft gikan sa Polilio Island, sakay ang 124 ka mga pasahero padung sa Real.
Mga 900 metros gikan sa Port of Real, kalit nga nisilaob ang fastcraft.
Diha-diha, unom ka mga pasahero ang nangaluwas sa PCG inabagan sa ubang mga roro vessel sa dapit.
Sa pagsuwat ning taho, nagpadayon pa ang SAR operations sa PCG. (REV)